تخاريف صيام شاهد قبل الحذف

ازاى تحافظ على نفسك من نشل الشنط

حصلت كتير و بتحصل و هاتحصل

لو ما اخدناش بالنا من حاجاتنا ماحدش هايرجعهالنا تانى  خاصة بعد وجود الانفلات الامنى و الحوادث و زيادة ملحوظة فى اعداد البلطجية اللى موجودة عشان كدا لازم تأخد بالك من حاجاتك

بص دا فيديو بسيط جدا مدتة 3 دقائق بيقولك فية ازاى تحافظ على شنطتك من السرقة خاصة السيدات

فى الفيديو دا فكرنا بطريقة الحرامية ازاى بيدور على الفريسة بتاعتة و قبل ما تخلى حد يسرقك حرص على نفسك

يا رب يكون المادة اللى قدمتها تكون كويسة عشان نخلى بالنا من حــــــــــــــــــاجاتنا

شكرا ليكم و ياريت لو حد عندة استفسار او اى حاجة يبعت لى على الميل و انا هأبعت له نمرة تليفونى

قصص مفيدة في فن الإدارة والتعامل مع المشاكل



جلست الزوجة تحدث زوجها عن زيارتها لصديقتها وأنها قدمت لها طبقاً من السمك المشوي لم تذق مثله من قبل، فطلب الزوج من زوجته أن تأخذ الطريقة ليذوق هذا الطبق الذي لا يقاوم. اتصلت الزوجة وبدأت تكتب الطريقة وصديقتها تحدثها فتقول " نظفي السمكة ثم اغسليها، ضعي البهار ثم اقطعي الرأس والذيل ثم أحضري المقلاة.." هنا قاطعتها الزوجة: ولماذا قطعتي الرأس والذيل؟



فكرت الصديقة قليلا ثم أجابت: لقد رأيت والدتي تعمل ذلك! ولكن دعيني أسألها.اتصلت الصديقة بوالدتها وبعد السلام سألتها: عندما كنت تقدمين لنا السمك المشوي اللذيذ لماذا كنت تقطعين رأس السمكة وذيلها؟ أجابت الوالدة: لقد رأيت جدتك تفعل ذلك! ولكن دعيني أسألها.اتصلت الوالدة بالجدة وبعد الترحيب سألتها: أتذكرين طبق السمك المشوي الذي كان يحبه أبي ويثني عليك عندما تحضرينه؟



فأجابت الجدة: بالطبع، فبادرتها بالسؤال قائلة: ولكن ما السر وراء قطع رأس السمكة وذيلها؟ فأجابت الجدة بكل بساطة وهدوء: كانت حياتنا بسيطة وقدراتنا متواضعة ولم يكن لدي سوى مقلاة صغيرة لا تتسع لسمكة كاملة!



تمثل هذه القصة واقع الكثير من العاملين في المنشآت، فهم يستمرون بالقيام بأعمال روتينية واتخاذ إجراءات معينه وإتباع حلول متكررة دون التفكير في المتغيرات والمستجدات لأن أبسط وأسهل شيء هو أن نفعل ما كنا نقوم به دوماً وهذا بدوره يسبب هدراً لا داعي له ويكبد مصاريف كان بالإمكان تلافيها. ومع التحديات والمنافسة المتزايدة يحتاج العاملون إلى ابتكار أفكار جديدة وإيجاد حلول للمشاكل التي تواجههم بعيداً عن أسلوب التفكير الرتيب والوسائل التقليدية المكلفة.



· حينما تلقى مصنع صابون ياباني شكوى من عملائه أن بعض العبوات خالية اقترح مهندسو المصنع تصميم جهاز يعمل بأشعة الليزر لاكتشاف العبوات الخالية خلال مرورها على سير التعبئة ثم سحبها آلياً من سير التعبئة، ومع أن الحل مناسب إلا أنه مكلف ومعقد وفي المقابل ابتكر أحد عمال التغليف فكرة بسيطة وغير مكلفة وذلك بأن توضع مروحة كبيرة بدلاً من جهاز الليزر بحيث يوجه هوائها إلى السير فتقوم بإسقاط العبوات الفارغة قبل وصولها إلى التخزين!



· واجه رواد الفضاء الأمريكيون صعوبة في الكتابة نظراً لانعدام الجاذبية وعدم نزول الحبر إلى رأس القلم! وللتغلب على هذه المشكلة أنفقت وكالة الفضاء الأمريكية ملايين الدولارات على بحوث استغرقت عدة سنوات ولكنها في النهاية أنتجت قلما يكتب في الفضاء والماء وعلى أرق الأسطح وأصلبها وفي أي اتجاه. وفي المقابل تمكن رواد الفضاء الروس من التغلب على المشكلة بلا نفقات ولا تأخير وذلك باستخدام قلم رصاص!



· أتى زبون إلى وكالة سيارته يشكو من أنه حين يذهب لشراء البوظة من المتجر المجاور لبيته فإن سيارته لا تعمل إذا اشترى بوظة بالفراولة! أما إذا اشترى بوظة بالشوكولاته أو الفانيلا فإنها تعمل! ظن موظف الاستقبال أن الرجل يمزح أو أنه غير عاقل! ولكن الزبون أصر فأرسلت الوكالة مهندساً فوجد أن المشكلة حقيقية وأحتار في تفسيرها! واستمرت المشكلة والوكالة تهملها لأنها لا تعرف كيف تفسرها، حتى بحث مهندس "غير تقليدي" المشكلة وكشف اللغز! فقد كانت عبوات بوظة الفراولة تباع جاهزة في مدخل المحل لذا لا يستغرق شراؤها سوى دقيقتين بينما يحتاج شراء بوظة الشوكولاته والفانيلا إلى خمس دقائق وكان نظام تشغيل السيارة يسخن بسرعة بحيث لا يعمل مره أخرى عندما تطفئ السيارة إلا بعد أن يبرد قليلا وذلك بعد 4 دقائق تقريبا!



ضغوط العمل تزيد المشكلات النفسية

ربط خبراء علم النفس بين زيادة معاناة الموظفين لمشكلات نفسية وبين المتغيرات السريعة في سوق العمل والتي تقترن بزيادة الضغوط والخوف.



ويقول البروفيسور أولريش شتانجير رئيس قسم علم النفس السريري بجامعة يينا الألمانية "لم يعد كثير من الناس قادرين على التكيف مع التغيرات السريعة ويعانون اضطرابات".



وأشار في هذا الإطار إلى أن الخوف من فقد الوظيفة والمطالب المتزايدة والمنافسة والأنانية والتقنيات الحديثة وإعادة الهيكلة هي بعض العناصر التي تؤدي إلى زيادة الضغوط النفسية في أماكن العمل.



وتصدر الاكتئاب قائمة الأمراض النفسية يليه الأمراض الجسمانية ثم إدمان الخمور خاصة بين الرجال.



وقال شتانجير إن التغيب عن العمل بسبب الأمراض النفسية تضاعف في ألمانيا منذ عام 1990 موضحا أن المشكلة زادت بشكل ملحوظ في الفئة العمرية بين 19 و25 عاما وتصل نسبة إصابة النساء بها ضعف نسبة إصابة الرجال.



من جانبه أوضح الأخصائي النفسي هانزيورج بيكر في فرانكفورت أن هناك نوعا آخر من الأمراض النفسية مضيفا "لا يبلغ الموظف (الموظفة) عن مرضه ويأتي إلى المكتب ويحملق في جهاز الكمبيوتر الخاص به دون أن يعرف أحدا ماذا يفعل".



ويضيف بيكر أن العلاقات الإنسانية والاتصال وبناء الفريق ومجموعات العمل أصبحت أهم من ذي قبل. ففي الماضي كان الشركات تتبنى فلسفة "نحن أسرة واحدة" لكن "كل واحد يشعر بالمسئولية عن نفسه فحسب".



وتابع "المنافسة بين الموظفين أصبحت أكثر وضوحا ومباشرة حيث من المفترض أن يظهروا قدرتهم على الإنجاز ومدى المرونة وهو ما يمثل اختلافا جذريا عن الماضي".



وقال بيكر إن النتائج النفسية لذلك هي الشك والخوف والغضب والانسحاب وخيبة الأمل ويؤكد "لكي تعمل بشكل جيد تحتاج لشيء مثل الاستقرار".



وأكد أن ورش التدريب والإدارة الصحية أصبحت أكثر أهمية وتحولت مجالس العمال بشكل متزايد إلى مجالس استشارية للموظفين أكثر من نضالها من أجل حقوقهم

المواصلات

قمت بدرى او متأخر و عاوز تلحق شغلك او تروح اى مصلحة تانية ... او شئ تتصدم بية هو المواصلات سواء كانت #مترو..... #اوتوبيس ... #مكروباص ..#تاكسى .... #التوكتوك  او حتى #عربية_كارو

1 - #التوك توك

مواصلة غربية شبة الخنفسة و على ما اعتقد ان مصر كلها عرفاة خاصة بعد ما الرئيس مرسى وجهه لة سلام و تحية .... مواصلة بدون رقابة او ترخيص و حاجة فل الفل .. عشان كدا صحاب التوكتوك نازلين دبح فى اى حد بيركب معاة .. طبعا عشان ملوش تعريفة او اجرة ثابتة دا غير انة مالوش عداد .. المواصلة دى بتلاقية فى المناطق الشعبية و اللى صعب بتمشى فيها العربية .. طبعا بعد الثورة مصر كلها مليانة توكتوك

 فى بعض الاحيان ... سواق التكتوك بيكون مش انسان .. بيكون كائن غريب يتعايش فى وسطنا

طب اية الحل ؟

حكومتنا قالت انة لا غنى عن #التوك توك .. يعنى اصبحى شئ مهم فى حياتنا .. يبقى لازم نعمل لة رقابة مهمة و

ترخيص و لوحات معدنية   و لازم يترخص عشان يكون له رقابة جامدة ... او نركب له عداد عشان يكون لية تعريفة

2- #المترو 

.مش هأنسى كل يوم الصبح و انا راكب المترو بسمع ست كدا بتقعد ترغى فى الميكروفون و بتقول ( مترووو الانفاق نقلة حضارية ) هو ممكن يكون مترو الانفاق نقلة حضارية لكن ركاب المترو احيانا بيكونوا رافضين النقلة الحضارية دى .. مش الركاب بس و الموظفين كمان .....!!!!

الموضوع بيبدأ من شباك التذاكر .. هأكلمكم فى مشهد زحمة فى محطة من المحطات ممكن يكون فى اربع شبابيك مش شغال فيهم غير واحد و علية طابور رجالة على ستات

انا وقفت فى طابور التذاكر ... الراجل اللى ورايا مش عارف لازق كرسة فى ظهرى لية ؟ .. (يفضل يكون فية مسافة ) انا قلت لة ارجع وراء عشان كرشك لازق فى  ظهرى قال لى : ماشى يا استاذ بس من غير تناكة ... لية بقى الطابور مش بيمشى ؟؟؟

فكرت و عرفت لة ايجابات كتير اولها ان الركاب مش معاها فكة .. تخيل لو الطابور دا كل واحد معاه مائة او ورقة بمئتين و رايح عشان يطلب تذكرة ... اكيد الموضوع هايطول عشان الباقى يكون 99 فكة و طبعا الراجل الموظف مش عاوز يعجز فبيركز على الباقى اللى بيطلع كويس اوى .. دا سبب من الاسباب و سبب اخر ان تلاقى راكب من الركاب بيتخانق مع الموظف اللى على الشباك فسيادة الركاب اللى وراهم ينتظروا البشاوات لما يخلصوا الخناقة .. او المترو يحن علينا و يفتح الشبابيك التانية ..

...بص بقى الحركة دى  اول ماتوصل للشباك تلاقى واحد جة جنبك ونغزك نزغة بنت كلب و يقولك هات تذكرة .. طب يا( أمور اقف فى الطابور) لا هو عاوز يخلص و غيرة يولع .. بعد ما قطعنا و الحمد لله تيجى مرحلة استقبال المترو لو انت فى المحطات الزحمة ( السادات – الشهداء – عتبة ) بتلاقى موضوع الدخول و الخورج تهلكة .... لية ؟ تخيل عربية المترو و فيها ناس عاوزة تخرج و ناس تانية فى نفس الوقت عاوزة تدخل و الاتنين لما يتصدموا مع بعض يحدث احتكاك و بعد الاحتكاك اشتباك و بعد الاشتباك معركة مابين اللى داخلين و اللى خارجين .. المترو نفسة حاول يحل الموضوع دا انة يخلى ابواب للدخول و ابواب للخروج لكن الموضو دا فشل ... !!!!!!!! لية ؟

• عشان تعمل قانون لازم يكون لة متابعة
• عشان الركاب نفسها مش عاوز تطبق النظام

طب مشكلة زى دى حلها اية ؟

لازم اللى فى خارج المترو بنتظر اللى خارج من ابواب المترو ..  و المترو يسيب فترة كويسة للدخول و الخروج

كنت عاوز اقو حاجة

بمناسبة الاحتكاك .. الناس مش بتحتك بجسمها بس لكن دى كمان بتحتك بألفاظ  زى ( ناس بهائم , هاتفضلوا متخلفين , مافيش دم )

فياريت نتحضر بقى و بلاش الموضوع دا و مانعملهوش تانى

تعالى بقى نشوف سلوك  سئ بيحصل من العيال اللى بتعلق الباب .. يقوم المترو يتأخر يقوم المتور اللى وراة يتعطل .. تقوم الحركة كلها تتعطل بسبب حيوان .. عارف اية الحل .. اللى يعمل كدا اضربة بالقلم و هاتكسب ثواب كبير .. عارف لية ؟ عشان بيعطل مصالح ناس كتير

-         احيانا كتير بيكون سبب ان الباب مايتقفلش تلاحم الناس و كأن المترو دا هايكون أخر مترو فى  العالم و الحل بسيط جدا ... ممكن تستنى المترو اللى بعدة لعله يكون فاضى .. الموضوع مش هأخد منك وقت كتير .. دا من 3 الى 5 دقائق مش هاتغير فيهم حاجة ...

• دخلنا المترو و الحمد لله ( حمد لله على السلامة )

( سؤال على الماشى ) ( اختر ما بين الاقواس )

لماذا تم نقل عربة السيدات من العربة الاولى الى العربتان فى المنتصف ....

( عشان الرغى بتاع الستات و السواق مش بيعرف يسوق – عشان لو حصلت حادثة الستات ماتموتش الاول ) ؟

المهم ... بيكون فية كراسى لذوى الاحتياجاتى الخاصة بس اللى بيقعد عليهم مش ذوى الاحتياجات الخاصة .. بصراحة احيانا كتير لما بيكون فيه حد كبير او واحدة حامل او معاها رضيع الناس بتقوم لة ....

الحاجة المسلية بقى عروض (تميمة) اللى بتكون فى المترو ( مكن حلاقة , لازق للجروح , عسلية , اقلام , كراريس , اذكار ....) ولا بقى المتسولين ..... دول بقى كارثة ...و انواعهم كتير

• تترمى ورقة على حجرك عشان تتعاطف معاها
• اللى يعيط و يقول لك ان امة فى الجيش و ابوه ميت
• اللى بيتسول بالعاهة بتاعتة
• اللى بيكون محتاج بجد .. بس دا بصراحة مش بأشوفة تانى لكن فية ناس بأشوهم كتيييييير .. اكتر ما بأشوف عيلتى

( انت لو عاوز تدى حد ادى انا مش هأقدر اقول لك لأ ... انا بأتكلم فى سلوك .. انا عن نفسى بأدى ناس منهم )

خلصت المترو و جات المحطة بتاعتك ؟

حمد لله على سلامتك

3 -  #الاوتوبيس  

طبعا مافيش كلام و على ما اعتقد شفناة بعيونا قبل لما تركبة بيكون شكلة اذاى و بصراحة المترو رفع ضغط كبير جدا من المواصلات فى القاهرة .. عاوز لو تشوف صدق كلامى شوف المترو لما بعطل بحصل اية فى حركة القاهرة ... زحمة و بهدلة

سواق اوتوبيس كان بحكى لى مرة عن زحمة حصلت بسبب عطل فى المترو بقول ان العربية كانت فاضية لحد ما كانت هاتنفجر بالناس و ساعتها لكمثرى ماكانش عارف يقطع لمين ولا لمين .. بيقول لى من كتر الزحمة كنت قاعد على طرف الكرسى

اية الحل ؟؟؟

زود المركبات و زد الخطوط فى الاماكن الجديدة ... اعمل خط موازى لة عشان الناس تنتشر مايكونوش على خط واحد

(ملحوظة)

البلد اللى مش بيكون فيها كرسى فاضى فى الاوتوبس هى مصر

معلومة فكاهية على الماشى

تعرف ان كل سواقين الهيئة اسمهم اشرف ؟؟؟؟ دا بقى بيكون شفرة عشان ماحدش يشتكى السواق

4- #المكروباص

دى مواصلة تكتب فيها مكتبة بحالها و دا بقى مهم جدا .....جدا ........ جدا .. دا بقى اللى بيوصلك لحد الحتة اللى انت عاوزها مش انت لوحدك دا لمصر كلها مش هاتقدر تستغنى عنة ( ترامكو , راما , تيوتا )

بصوا الحاجات دى بتحصل على طول و بتتكرر على  نفس النمط

-         لما السولار بيغلى

تلاقى الاجرة اترفعت بدون سبب او بدون بلاغ من الحكومة و تلاقى المكروباص يتعطل عشان الربع جنية اللى زاد

عاوز الحق .. المفروض انك ماتدفعش غير اللى تطلبة منك الدولة و لازم الجشع بتاع السواقين يختفى بس للأسف مش هايختفى لوحدك .. ساعتها هاتكون مؤذن فى مالطا .. لازم يكون الركاب ايد واحدة .. الغريب ان السواق مش يقول قبل ما تركب ... لا يفاجئك بعد ماتركب المكروباص

كلنا بنقول ان البلد دى فئة سواقين الكروباص فئة زبالة

ملحوظة

( السواقين نفسهم بيقولوا على نفسهم كدا )

طب نعمل اية عشان ننظف الوساخة دى ؟

تخيل لو مصر كلها استغنت عن المكروباص لمدة اسبوع ... شوف بقى ساعتها لما المكروباصات تشد الزبائن و تقول لها تحت امرك ..

اسواء حاجة لما تلم الاجرة يعنى تخيل لما تكون فى الكنبة اللى فى النص بتكون وسيط الفكة بين السواق و بين الركاب و انت تلوص ما بين الاتنين .. عشان خلاص اتعينت مرسال مابينك و بين السواق و الركاب ..

معظم الشعب المصرى حتى  معظم اللى معاهم ركاب مرتبطين بالمكروباص .. هو ترابط مكروة لكن ما باليد حيلة .. خاصة فى وقت لزحمة بتلاقى الناس بتدخل من الشباك

عاوز حلها ؟

مرة فى العباسية كنت بأشوف طابور للناس و هى داخلة الكروباص ... فكرة رائعة و حلوة بجد

ياريت كنا استمرين عليها

5 - #المينى_باص

ينقسم لنوعان

• نوع عملاة الحكومة : فية شبة من الاتوبيس
• نوع استثمارى : فية شبة من الكروباص

6- #التاكسى

دى اخر حاجة يفكر فيها اى حد .. لية ؟

التاكسى الاسود بتعامل مقاولة و دا شى الناس بدأت تشمأذ منة اما التاكسى الابيض بيكون جميل بس فى المشاوير الكبيرة  ... بصراحة بصراحة انا شايف التاكسى مواصلة جميلة لكن لما تكون مع العائلة

( ملحوظة : لو العداد مش شغال ماتركبش خالص ) لحسن نرجع تانى للتاكسى الاسود

كدا نكون خلصنا وسائل المواصلات كلها ( ماتكلمناش عن الطيارة او القطار )

7 - #عربيتك

- امشى فى حارتك

- احترم الشارع

- ماتكسرش اشارة